University of Colombo School of Computing, 35, Reid Avenue, Colombo 7, Sri Lanka
Phone : (94–11-) 2589123 , Fax : (94-11-) 2587239
Email: kasun AT ucsc DOT cmb DOT ac DOT lk
WASN LAB
Budangala
NEELA BAMMA
Addison bungalow
MINNERIYA
SINGAPORE

MySelf

princeton-97827_1280

I == {

  • was born in Colombo, Sri Lanka on 15th of December 1971 and lived in Wellamadda, a small village completely destroyed by tsunami on 26th December 2004 at 9.36 a.m.
  • studied at{Balapitiya Sidhartha College,Ambalangoda Dharmasoka College, University of Colombo, Stockholm University and George Washington University}.
  • work as{Senior Lecturer, Academic Coordinator for the Master of Science in Information Security Program and Advisor for the Center for Digital Forensic} at University of Colombo School of Computing. }

Teaching

san-jose-92464_1280

An excellent teacher needs to go beyond excellent lecturing or excellent knowledge dissemination.

Undergraduate Teaching == { Programming 1,Programming III and Information System Security courses for BSc degree in Computer Science program University of Colombo School of Computing }

Postgraduate Teaching == { Information System Security,Network Security, Digital Forensics and Security in Mobile and Wireless Network courses for Master of Science in Information Security programm, University of Colombo School of Computing }

Research

academic-2769_1280

I received my B.Sc. Special Degree in Computer Science(FIRST CLASS HONOURS) from University of Colombo during the period from 1993 to 1997.

I obtained my Ph.D. in the area of Computer Security from Stockholm University during the period from 1999 to 2004.

I conduct research in the areas of { Secure multi-party electronic transactions and document protection, Public key cryptography and certification infrastructures, Web security and privacy, Security in sensor networks, Digital Forensic, Mobile Application Security and ICT4D}

Thursday, October 14, 2021

Sunday, August 15, 2021

සිතන්න. වහල් භාවයෙන් මිදෙන්න (Slavery, time for stop it) !!


ජනාධිපති ලිනකන් 1862 දී වහලුන් හට නිදහස ලබා දුන් වග අපි දනිමු. වැටුප් නොලබා ජීවිත කාලයම වෙනකෙකුට සේවය කරන්න් වහලුන් වේ. සත්‍ය ලෙසම ලිනකන් එදා සිටි වහලුන් නිදහස් කලද අපි අද වහලුන් වී සිටිමු. එදා වහලුන් දක්නට ලැබුනු ආයතන තුල අද වහලුන් නොසිටිය ද බොහෝ අයතන සහ පුද්ගලය සඳහා අපි වහල් සේවය සපයමු. අපි අද දේශපාලන සහ සමාජ ජාලා වහලුන් වී සිටිමු. එදා සිටි වහලුන් උන් වහලුන් වග දැන සිටිය ද අපි අද එය නොදනී. 

කාලය සහ ධනය වැය කරමින්  සමාජ ජාලා සහ දේශපාලුවන් හට සතුටින් සේවය කරණ කීකරු අසරණ වහලුන් අපි වෙමු. අපි සේච්චාවෙන් දෙනු ලබන අපගේ තොරතුරු අන් අයට විකුනා සමාජ ජාලා හිමි කරුවන් ධනවත් වේ. අපි සේච්චාවෙන් දෙනු ලබන බලය අවභාවිතා කර දේශපාලුවන් ධනවත් වේ. අපි අපගේ කාලය සහ ධනය අපතේ යවමින් දින දින දුප්පත් වෙමු. සමාජ ජාලා සමාගම් අධික ලාබයක් ලබනුයේ අප වැනි තොරතුරු සපයන අහින්සක මෝඩයින් නිසාය. සමාජ ජාලා සමාගම් අපට නොමිලේ සේවය සපයන බව පෙනුනද, සැබවින්ම සිදු වන්නේ අපි සමාජ ජාල සමාගම් වලට අපි නොමිලේ සේවය කිරීමය. මැති ඇමතිවරු අපට සේවය සපයන බව පෙනුනද, සැබවින්ම සිදු වන්නේ අපි එතුමන්ලාට  නොමිලේ සේවය කිරීමය. ඔබගේ වහල් සේවය මදකට නවතා නැවත සිතීමට කාලය පැමින තිබේ.

දිනකට අන්තර් ජාලය තුල ඔබ කොපමන කාලයක් වැය කරනු ලබනවා දැයි නැවත සිතන්න. ඔබ කොපමන මුදලක් අන්තර් ජාල පහසුකම වෙනුවෙන් වැය කරනු ලබනවා ද කියා සිතන්න.  ඔබ වැය කරණ කාලය සහ මුදලින් හරි අඩක් හෝ වැඩි කොටසක් ඔබ වැය කරනු ලබන්නේ අන්තර් ජාලය තුල රස්තියාදු වීමටය. සමාජ ජාලා සමාගම් වලට දත්ත සැපයීමටය.  ඡායාරූප, වීඩියෝ දර්ශන, කොමෙන්ටු හෝ ලයික් ලෙස ඔබ සපයනුයේ එම ආයතන සඳහා අවැසි දත්තය. මේදින වලදී ඔබ අසරණව නිවසේ සිටිමින් වැඩි වැඩියෙන් එම සමාගම් වලට කරනු ලැබූ සේවය නිසා, එම සමාගම්, වැඩි වැඩි යෙන් ලාබ උපයා ගනී.  ඔබගේ සේවය සඳහා සමහර සමාගම් ඔබට යම් මුදලක් ගෙවනු ලැබූව ද බොහෝ සමාගම් ඔබගේ සේවයට කිසි දිනක මුදල් නොගෙවනු ඇත. ඔබ නොදැනුවත්වම සමාජ ජාල වහලකු වි තිබේ. ඔබ නිදිවරමින් මේ සේවය කරන්නේ බහු ජාතික සමාජ ජාලා සමාගම් වෙතය. 

නැවත සිතන්නට මේ හොදම කාලයයි. අපි තවදුරටත් සමාජ ජාලා සමාගම් වල වහලුන් නොවන බව පෙන්විමට මේ හොදම කාලයයි. එවිට ඔවුන් ලබනා අධික ලාබයේන් කොටසක් හෝ‍ අප වැනි අසරණ වහලුන් වෙත ලබා දීමට එම සමාගම් වලට සිදුවනු ඇත. 

දේශපාලක උතුමන්ලාගේ අතේ පැලවෙන බොරු අසා සිටීමට ඔබ කොපමන කාලයක් වැය කරනු ලබනවා ද කියා නැවත සිතන්න. එතුමන් ලා පවසන්නේ බොරු බව දැන දැනත්, ඔබ එය අසා සිටීයි. කොපමන පොස්ට් එතුමන්ලා ට එරෙහිව කොටනු ලැබූව ද, තට්ටු මාරුවට එතුමන් ලාම බලයට ගෙන එනු ලබන බව එතුමන් ලා ද දැන සිටීයි. එබැවින් අප වැනි අසරණ වහලුන් හට දේශපාලක උතුමන් ලා කිසිදිනක සාධාරණයක් සිදු  නොකරනු ඇත. 

දැන් පැමිණ ඇත්තේ සිතන්නට කාලයක් මිස සමාජ ජාලා වල කොටන්නට කාලයක් නොවේ. සිතන්න. වහල් භාවයෙන් මිදෙන්න.


ආචාර්ය කසුන් ද සොයිසා
පරිගණක ආරක්ෂාව පිළිබද ජේෂ්ඨ කථිකාචාර්ය
කොළඹ විශ්ව විද්‍යාලය



    


Sunday, November 1, 2020

Sunday, June 14, 2020

Thursday, March 7, 2019

Sunday, December 23, 2018

Thursday, November 29, 2018

ප්‍රවේසම් වන්න -ඔත්තූ කරුවකු සාක්කුවේ සිටියි


ජංගම දුරකථනයක් සාක්කුවේ නැති අයකූ අද සමාජය තුල සොයාගත නොහැකිය. ජංගම දුරකථනය නිසා නැතිවී ගිය ගැන ද මේ දින වල වාර්තා වේ.ජංගම දුරකථනය යනු අපරාධ සමාජය වෙත හෙලිකර දෙනු ලබන සාක්ෂිකාරයකි. විටක සාක්ෂිකරුවකු වන ජංගම දුරකථනය තවත් විටක ඔබ ගැන සියල්ල පවසන ඔත්තූ කරුවකු ද විය හැකිය.



ඔබ සම්බන්දතා පැවැත්වූ සියලු පුද්ගලයන්,ඔවුන් සමඟ කථා කළ කාලය සහ ලබා ගත් ඇමතූම් ගණන ඔබගේ ජංගම දුරකථනය ලබා දෙන මූලික තොරතුරුය.ජංගම දුරකථනය මගින් දූරකථන ඇමතූම් පහසුවෙන් පටිගත කල හැක.දූරකථන ඇමතූම් පිලිබද තොරතුරු ලබා ගැනීමට දූරකථන ඇමතූම් වලට රහසින් සවන් දුන්නෙ අතීතයේදීය.මේ දින වල මහත්වරු ලෙස සමාජය තුල පෙනී සිටිනා අය,මහත් හොරු බව හෙලිවූයේ ජංගම දුරකථන වලට පිංසිදු වන්නටය.

ඔබ ආගිය තැන්,එම ස්ථාන වල රැදීසිටි දිනය සහ කාලය නූතන ජංගම දුරකථන තූල සටහන්ව ඇති තොරතුරු මඟින් නිවැරදිව කිව හැක. ඒ සදහා ඔත්තු කරුවන් යෙදවීමට අවශ්‍ය නැත.දූරකථන ඇමතූම් වලට රහසින් සවන් දීමට අවශ්‍ය නැත.එපමනක් නොව ඔබ ගමන් කළ වාහනය,ඇවිද ගිය දුර සහ ඔබ සිටි ඉරියව්ව පවා ජංගම දුරකථන දත්ත මඟින් දැන ගත හැකිය.දියවන්නාවේ සම හරක් තම දූරකථන ඇමතූම් වලට රහසින් සවන් දෙන බව පවසන්නෙ නූගත් කමටය.



බොහො බැංකු ඔබගේ ණය කාඩ් පත මඟින් සිදුවන ගනුදෙනු ජංගම දූරකථනය වෙත ලබා දේ.එම තොරතූරු මඟින් ද ඔබ ආගිය තැන් මෙන්ම, මිලදී ගත් දේ පිළිබද තොරතුරු ලබා ගත හැක. තවද ඔබ බැංකු කටයුතු සදහා භාවිථා වන ජංගම දුරකථන මෘදුකාංග භාවිථා කර තිබේ නම්,ඔබගේ ගනුදෙනු කරුවන්, බැංකු ශේෂයන් සහ අනෙකුත් ගිනුම් තොරතුරු ජංගම දුරකථනය තුල සටහන් වී තිබිය හැකිය.

ජංගම දුරකථනයක ඇති ඡායාරූප පවසන තොරතුරු අතිවිශාලය.ඡායාරූපය ගත් දිනය,වේලාව සහ ස්ථානය මෙවැනි ඡායාරූපය මඟින් ලාබා ගත හැකි මූලික තොරතුරුය.ඔබ සමාජ ජාල භාවිථා කර තිබේ නම් ජංගම දුරකථනය හරහා ඔබ සම්බන්‍දධතා පැවැත්වූවන් පිළිබද තොරතුරු,එහි ස්වභාවය කළ කී දැ පිළිබදව පිටු දහස් ගණනක වාර්තාවක් සැපයීමට අධිකරණ පරිගණක විද්‍යා මෘදුකාංගයකට ගතවන්නේ තත්පර කිහිපයක් පමණි.


තවද ඔබගේ විද්‍යූත් තැපැල් ගිනුමට හෝ සමාජ ජාලා වෙබ් අඩවිය වෙත ඔබගේ ජංගම දුරක්‍ථන භාවිතයේන් පහසුවෙන් ඇතුලු විය හැකිය.ඒ සදහා ඔබගේ මුර පදය දැන සිටිය යුතු නැත. ඔබගේ ජංගම දුරකථනය මඟින් ඔබගේ විද්‍යූත් තැපැල් ගිනුමේ හෝ සමාජ ජාලා වෙබ් අඩවියේ මුර පදය පහසුවෙන් වෙනස් කල හැකිය.එලෙස මුර පදය වෙනස් කර,ඔබගේ ගිනුමට ඇතුලු වන්නකූ හට ඔබට සිදු කල හැකි හානිය අතිමහත් වේ.


අපරාධ කරුවන් ගේ ජංගම දුරකථන පොලිස් නිළධාරියන් අතට පත්වූ විට ද අපරාධකරුවන් හට කිසිදු ගැලවීමක් නැත. අපරාධ පිළිබද සොයා යාමේදී ජංගම දුරකථනය අද දින සිදුකරණ සේවය අතිමහත්ය.පොලිස් නිළධාරින් ජංගම දුරකථන අධිකරණ පරිගණක විද්‍යා මෘදුකාංගයකට සම්බන්ධ කර බොහො තොරතුරු පාපෝච්චාරණය කරනු ලබන අවංක සාක්ෂි කරුවන් නිර්මානය කරගනියි.අපරාධකරුවන් ජංගම දුරකථන දත්ත මකා දැමූව ද ඒවා නැවත ලබා ගත හැකි පරිගණක මෘදුකාංග අද තිබේ.එම මෘදුකාංග මකා දැමූ දත්ත ඇසුරින් අපරාධය පිලිබද බොහෝ තොරතුරු තත්පර කිහිපයක් තුල නැවත ලබා දේ.


ඔබගේ ජංගම දුරකථනය අලුත් වැඩියාව සදහා නොහදුනන ආයතන වෙත ලබා නොදිය යුතුය.අලුත් වැඩියාවේ දී හෝ,මේසය මත අමතක වූ විට දී හෝ,අපරාධ කරුවකු හට ඔබගේ ජංගම දුරකථනයේ ඇති දත්ත පිටපත් කර ගත හැක.අපරාධ කරුවන් කප්පන් ලබා ගැනීමට ද,ඔබගේ පවුල් ජීවිතය වියවුල් කිරීමට ද මෙලෙස පිටපත් කරගන්නා ලද දත්ත භාවිථා කරයි.


ජංගම දුරකථන ඔබ ගැන බොහෝ රහසිගත තොරතුරු රහසිගතවම සටහන් කර ගනියි. එබැවින් එය සාක්ෂිකරුවකු මෙන්ම ඔත්තු කරුවකු ද වේ.ඔබගේ ජංගම දුරකථනය මඟින් ඔබ ගැන ලබා ගත හැකි රහසිගත තොරතුරු ගැන ඔබ දන්‍නේ නම් කිසිදා ඔබ එය භාවිථා නොකරනූ ඇත.

ආචාර්ය කසුන් ද සොයිසා
අධිකරණ පරිගණක විද්‍යාව සහ පරිගණක ආරක්ෂාව පිළිබද ජේෂ්ඨ කථිකාචාර්ය
කොළඹ විශ්ව විද්‍යාලය

Total Pageviews

Popular Posts

Copyright © Dr. Kasun De Zoysa | Powered by Blogger
Design by Viva Themes | Blogger Theme by NewBloggerThemes.com